Ideja e karriges Embody buron nga një problem më parë i pazgjidhur: mungesa e harmonisë fizike në mes të përdoruesve dhe të teknologjisë. Me karrigen Embody, projektuesit Bill Stumpf dhe Jeff Weber janë angazhuar për të zgjidhur problemin. Më shumë se 20 mjekë dhe studiues të specializuar në biomekanikë, oftalmologji, fizioterapi dhe ergonomi kanë kontribuar me njohuritë e tyre për realizimin e kësaj karrigeje. Rezultati është Embody, një karrige inovative e cila futi standarde të reja në fushën e ergonomisë, në aspektin e shpërndarjes së presionit, shtrirjes natyrale të shpinës dhe të kolonës vertebrale, një ulje e shëndetshme pa kufizuar lirinë e lëvizjes.